Gelt Klöus,
du bringsch kui Ruete -
eandr Leakar, guete
Niss und Figa no drzue -
lue - i bi a brava Bue:
Maman hol i d’Schprigla ring,
b’m Kroamar köuf i kleiwies ing.
De Sükibl, dean lear i üs
und kehre tueni schi ums Hüs.
Daiddan hilf i d’Mill furt tu,
zoabed bring i d’Gassekueh.
Am Moarge gang i mit dr Äsche,
uimoal honi ’s Millgschier gwäsche...
Des alls isch ming guete Site:
manksmoal honi ghoared, gschtritte,
d’ Fela a de Hoare zoge -
odr i dr Noat öu gloge...
’s Seffele an Schtäffl bünde
und de gfuchsede Boale gschünde.
b’m Mielefahre a wink bschisse,
huimle a Egg vum Kroanzbroat bisse,
mit ar Glufe ’s Male gschtupft,
im Henneschtaal a Ei üsdruckt
und detamoal de Beanekare
vu dr Buind in Doarfba gfahre...
J mui, des miess so ’s Grebschte sing
’s feilt br sies öu nuiz mea ing.
Muescht it alls so gnöu vrgealte -
gelt, du bringscht br schu an Zealte
und amend no Ross und Wage?
Loos, dearf i des öu no sage:
a Sackmeassr, waisch, des brücht a Bue
und a Gaisl no drzue -
b’m Schpenglar Mayr dean Schpritzewage,
do tat i schie „Vrgealtsgott“ sage!
’s gonz Joahr tat i dir des doanke,
beate, dass de it vrkroankescht -
dass de wiedr kumme kascht
i disam Joahr - a Klöusetag!
Verwandte Themen
Heft 8 → HearbschtHeft 43 → ‘s oalt Joahr goat
Heft 34 → Schtarehiesle
Heft 31 → Novembrtag
Heft 28 → A Lied, a Klang