D’ Arbat vu nar Wuche
ischt wieder tong
und ui Holzar noch ’m
ondere hot d’ Hitte verlong.
Ischt froah und munter
i’s Doarf na gange,
wo na vu Wib und Kind
wird froibig empfange.
Denn die heileg Nacht, wie jeda weiß,
fiereba am liebste
im Familekreis.
Bloas Lenz, d’r Jingscht,
ischt uff’em Bearg domm bliebe
und Bitternis ho se
i sing Gsicht inggschriebe.
Worum ischt a it öü
i’s Tal na gange? –
Wil do dünd it ui Mensch
noch ihm hot Verlange.
It ui Mensch kimmred se
um sing Verblieb,
a hot ja kui Eltre,
kui Gschwischtre, kui Wib.
Der Gedonke a isan Heargott
dea lodt ‘en öü kolt,
so schaffed a friedloas
i de Bearg domm im Wold.
Und wil em halt gar so
weneg Freid ischt bschiede,
ischt a öü huit z’obed
vol Gram, ohne Friede.
Während ea a Tännele
holed ra ussem Wold,
ruckt d’ Nacht langsam hea,
gar bitter kolt.
Und Schtean um Schtean
i dear heilege Nacht
schtiegt üf am Himl,
‘s ischt a wahre Pracht.
Wie aber d’ Glogga klinged
rüf usem Tal,
erfaßt öü ihn der Gnadeschtrahl.
Wie ihr feschtlicha Klong
sich iber de Schneabearg schwingt,
do ischt ihm, als ob
a Englschoar singt.
Bedachteg tritt a i d’ Hitte ing,
wirft i d Glüet no a paar Schittle ning.
Und wie na am Bämmle
d’ Liechtle a’zindt,
sing triebe Schtimmung
glei öü schwind’t.
Behaglich sitzt a se hi neabe d’ Glüet,
wie wohl uim doch die Wärme tüet !
„Doch ming arme Seal’”, siefzt a,
„müeß no schmachte und friere,
o Gott, laß se doch öü wiedr
Ding Wärme verschpiere!”
Sing Kindheit zuicht a ihm voarbi,
wie isch es domals gwea so schii!
„Daß i a Ding Krippe
wiedr a Huimat find,
die Gnad schenk mir,
Du himlisch Kind!”
Und wie na so beated
klopfed nammar a’s Toar,
a v’rirrta Wandrar schtoht d’rvoar.
Dea bitted um a Nachtquartier
und um ebbas Warm’s
well es’m gar so frier.
Do schpricht isa Holzar:
„Kumm nu weile ring,
Du söllescht huit doppled
willkomme mir sing.
Ischt doch grad huit de heileg Nacht,
wo ui Mensch ‘m ondre a Friede gean macht.
Wenn ming armsealege Hitte Dir ischt it z’gring,
Nocha sollescht ming wearta Gascht Du huit sing.”
Vol Freid nimmt’s a dea Wandersma
und weiß it, wia na donke ka.
Öü isam Holzar macht es froah,
vol Glick let a sich hint’ uff’s Schtroah.
Ihm isch’s als zieh der Friede ing,
kinnt Christnacht jemols schiener sing?
Wea weiß, ob it der ewig Christ
als Wandrar seal bei ihm ingkehrt ischt ?
Verwandte Themen
Heft 67 → Gedicht „Eva, isa Schtammesmüettr”Heft 71 → „Klöüsezit”
Heft 57 → „‘s nui Hietle”
Heft 43 → ‘s oalt Joahr goat
Heft 34 → Schtarehiesle