Wilde Hans ischd amol i dr Reschdratio bum Hanneslar din ghocked, no kud a Walsar i d’Büreschdube ring mid am Hünd. Dean Walsar hodda schu johrwies kennd, dea ischd öfders do gwea. Wo na heahocked, seid dr Hans: „Bigodd, a jeda Beaddlar hod ahebe an Hünd. ” Druf muid dr Walsar weile: „Dösch nöd wohr, du heschd no kain.”
Wilde Fronz isch no a olda Vetran vum Sibezgar Krieg gwea. Iez wo de Jünge ana Vierzehne so in Krieg hend furd miesse, no hodda denn sage kinne: „Do weared dir no lüege, wenn die Kanonekugle aso dohea drohled.”*
- Im Krieg 1870/71 wurden, besonders bei Festungen im Bodeneinsatz, vielfach noch Eisenkugeln verwendet. Wenn diese dann im Flachbeschuß auf gefrorenem Boden aufschlugen und nicht ins Erdreich eindrangen, dann sind sie weite Strecken dahingerollt.
Wilde Fronz hod ofd vrzelld vum Sibezgar Krieg: „Wo die Roadhöslar a’griffe hend, do hend mir ofd bloas no gschosse, gar numma glade.”*
- Roadhöslar = Franzosen (Rothosen).
Die besten Schützen einer Gruppe mußten schießen, die schlechteren mußten die Gewehre laden, waren es doch meist noch Vorderlader.
Geagls Jachume Wiib hod amol zu ihm gseid: „Ih mechd bloas wisse, wo dea Sühkrippl* dean gschdäre Grind hea hod?” No hod a seal bloas glached und muid: „Vu dir allad id, du hosch da dine no.”
- Sühkrippl = von Krüppel (Behinderter als Schimpfwort).
Schratts Hänsle, dr Sühhändlar, hod mid Hondle a’gfochd und hod bum Köüffe öu id allad s’Geald ghedd, ma hodds hald weile widdr vrköuffd mid am kleine Gwinschd und noachad hobba erschd zahld. Do hodda bum Hislars Fränzle em ündre Mardt a olde Küeh köuffd und zum Zahle ischa no länger id kumme. Iez drifd an zmol em Adlarwirt din und hodden glei a’gmahned, daß a denn schu gong zum Zahle kumme kinnd. Dr Hans hod gseid: „Ih kumm die Däg no aie züedr, abr uis ka dr glei sage, dean dire Kooga hone faschd id weckbrochd und druf- zahld hone öu no.” A eddle Däg schbädr hodda des Geald brochd und was do gwea ischd, weiß ba id, abr s’Fränzle hod no bum Adlarwirt vrzelld: „Des Hänsle hobr a Gasseküeh abköuffd und do hoddabe ghereg druckd, wo na hed zahle seile, hod a se widr druckd und wo na s’Geald brochd hod, do hodda be nohmol druckd. Dean kimba liechd ,Druckars Hänsle’ statt Schüechtars Hänsle heiße.”
Verwandte Themen
Heft 18 → Schprih und HuigärteHeft 15 → Schprih und Huigärte
Heft 5 → Sprih und Huigärte
Heft 4 → Sprih und Huigärte
Heft 3 → Sprih und Huigärte