Cläudelars Kappele-
Aussehen zwischen
1870 und 1936
(älteste bekannte Aufnahme)
Kriag, Hünger und Siecha sind binanond -
d’ Schwede plindret, broandet und mordet im Loand.
„Hoalt Schwed!” Dean Schpruh hoani noa keart.
Amoal hend se doch miase oahna Viah gong -
woa d’ Wiebr i dr Rubenaroy händ Biena fliege long.
Zwölfhündert Lit seiet es gwea im Mart.
Nach achte hoat der schwarz Toat gmäht inar braite Mahd.
Druihündertfufzg Joahr sindes hea, daß des groaß Stearbe gwea.
A leidege Sieche Pestelenzia.
Züewandrar sind vum Leachtl und Pierg kumme,
am 20schte Oktobr 1669ge sind a 20 Hiesle verbrunne.
Klei sind se gwea - so i dear Art,
wenn de Güntars noa kennt hoascht 302 im ünderschte Mart.
Vu voana 1670 bis hinda 80 hobba wiedr a zwölfe gmacht,
brait uff a oandre Art und Wis, i d’ Riegl mit Bahbolla gmüret, a Mittrtennhüs,
numma heart uffanond, drbie a schies Trumm Feald.
Se händ schu kett a wink a Geald.
I dia Zit sind öu d’ Ürständ vum Kappele glet.
Sei a Bildstock mit Voarbü im reachtegege Gründriß gwea.
Des Bild wohl a Doank, a Bitt des Gebeat:
„Maria, mit deiner Hilf sieh uns an,
Hunger, Krieg, Pest, Feier, Teuerung wende hien dan,
in Todes-nöthen nim dich unser an. Amen 1682.”
Es soll noachem Lukas Cranach sing, Maria mit ’m Kind.
Weas gmoalet - ischt it bekannt - mit Öl uf Linwoand.
Hüs Nr. 268 - 1675ge büe, des Kappele im obre Egg
händ wohl noacha dia Besitzar i dr Obhüet ghett.
Am Üsgang vum achtzehte Joahrhündert is nuizeht num
beherrscht s’ Loand dea Name Napoleon.
Kriag und Üngrueh sind wieder a dr Zit -
Es wär noacha schu namma Friede gwea -
kut 1816 a Mißjoahr hea.
Zerscht kut s’ Viah a d’ Noat, noa d’ Lit.
180 Joahr seie vergange, daß so a Hüngersnoat ischt.
Vu deana Hüngerjoahr hoat Ürdräne als kleina Bue no gwißt.
Revuluziona boald wiedr im Loand und im Mart,
um dia „Allmende” hoatese dräht.
Dia Kleine und Arme händ se wälteg gwehrt.
S’ hoat se lang hiezoge dia Gschicht,
erseht kurz voar em Brinne hoabbas gricht.
Am 6. Mai 1865ge hoat se dr Luft dräht,
s’ Kappele ischt bliebe mit m’ ündre Mart üngversehrt.
Noach deam siebezgar Kriag hobba anem gmacht.
A Tier voana ning, Buindsitte a Finschterle und a nuis Dach.
Dean uifache Holzüfbü vum Oaltor
(i „Frührenaissanceformen” verändret)
mit am Claudius Schraudolph Bild 1877 signiert:
Maria mit Kind im Nazaränar Stil, dea hoat regiert.
A deam Ürbild hoabba schu glie welle beate -
de Blatz hot es miase a dr glingge Sitte ingneahme.
Hießlar sind dett uff 268 gwea,
vu deana kumm des als hea.
Boald druff hot des Hüs am Claudius Hüabar keart
und ischt noacha joahrwies „Cläudelars Kappele” gwea.
Dia güet oalt Zit heißt base huit, es hoat abr no reacht Arme geabe,
wo se händ nochem Erdepfl rüstu dearfe Bolla lease.
Friede ischt gwea und hoat Goldmark geabe.
Fescht händ se schaffe miaße - a jeda Schtoand,
das maischt mitr Hoand, ob Hoandwerkar, Taglehnar, Ökonom,
mea as 40 Schtünd i dr Wuche - und doch an Fierobed hoang.
Oft händ dia Hiser Besitzar gweagslet -
Grad i deam Viertl kaschte i hündert Joahr viel Näme lease.
Sinze Karle und d’ Luis händ ana ulfe des Cläudelars Hüs erwoarbe.
Drmit öu des Kappele versoarge - es kear zum Hüs.
Hearb drui Joahr sind vergange -
isch dr vierzehnar Kriag agange.
A Bluetbad, a schmachvolla Friede und wiedr a Sieche.
Influenza, huit heißt se Grippe, ibr dia goanz Wealt Usbreit,
b deana üsghüngreda Lit groaß Nahring gfiinde
und boald sovil wia dr Wealtkriag verschlünge.
„Maria mit deiner Hilf sieh uns an . . wende hien dan .
Novena i Laidekaita und groaßar Noat -
i „Cläudelars Kappele” gsuecht Züeflucht und Troascht.
Vu deana guldena Zwuinzgarjoahr hobba gschriebe
Billioana und zletscht a Wirtschaftskrise.
1934/35 Druihündertjoahrfier - gedenke a Pescht und Schwede.
D’ Wildemänndlestoanz tüeba ussr dr Reihe
vu deana Ibrfall leabege Bildr zaige.
Dia Grubbe, woa hoat grad des Huimatmuseum gschaffe,
lüeget in ündre Mart na und des Cläudelars Kappele a.
S’ Dach täts grad no, ündarum will es verkroanke,
dia Bahbollemiera wänd zämet falle; d’ Nordwoand numma zum Hoalte.
Es schtoaht äu zwit duß im groaße goanze.
So dinze se entschließe, daß se a nuis mache mieße.
Am Lenzeg ana 36ge sind se a des Weark dra -
Moritze Wilhelm voara.
Nach der Renovierung
durch die Museumsgruppe 1936,
seitdem Pestkapelle genannt
An Metr ning, hend gmüret, zimmret und gschindlet,
des meischt noach Firobed toang -
öu Healfar händs it im Schtieh gloang.
Karle hoat Tier und an nuie Knieblboank gmacht,
woanes ischt as ingrichte kumme, ischt a Schtritt üfbrunne.
Deam Oalte verschriebe, hettese welle des Ürbild zum Mittlpünkt mache
und des hoat halt uir gar it welle passe.
Se händ de Friede welle, „dr Gschiedr gitt noa”, händ se denkt
und des oalt Bild wiedr a dia glingg Sitte kängkt.
Zum Abschluß vu dear 300-Joahrfier a Gedenke ning gmaislet
und so hot es vu det a weck „Pestkapelle” gheiße.
Viehsiecha sind allat i Abschtänd kumme. -
Fir de Rauschbrand, ma hoat gseit, dr „Flug”, hoat es an Impfstoff geabe,
gege dia „Maul- und Klauenseuche” ischt ba machtloas gweache.
Im Jänar ana 38ge vum Norde ra, obse an Wettlöuf hett,
bis im Jule hobba dia gfiercht Kroankhat öu ket.
Kuin Hoalt gmacht - inge is Tal bis as Hoaldewangar Egg.
Dia Oalte hend gseit: So beas weiß bas no nia,
do kut noa nammas ergers noache - amend a Kriag!
Noachweah vu dear Sieche hot es no geabe,
abr dia Verluscht sind oandroarts noa greaßer gweache.
Im Februar 1939ge hämbr a Nordliacht gsea.
„Nazelars Wieble” hoat gseit: Nät aso isch es ana vierzehne gwea!
Boald hobba wiedr beatet
„Maria, mit deiner Hilf sieh uns an . . .”
Wändelars Liese, Wienars Froanz, Jäcklars Bäne,
Geagels Doane - Sinze Heini -
und no eabar etle mea im ündre Mart sind es gwea,
s’ händ d’ Huimat numma gseah,
dai maischte sind z’ Rußland und z’ Rumänien bliebe.
Gott hoatena geabe d’ ewige Friede.
Am beschte i düe zeche Joahr ibrschbringe
und vum Kappele des Schicksal vu 1955ge bringe.
Tschmal ische woare, dia voadr Gasse,
im Oartsplan hoatse „Weststraße” gheiße -
an Gehschtaig miesba hoang,
daß dia Sükäre no narreder fahre kinne und schtinke.
D’ Lit und Kiah uffm Trottwar üe hinke.
Karlen und d’ Luis - ma hoats brüche it lang beatle -
kaschena a „Vatr unsr” beate,
s’ ischena allat viel am Kappele gleage,
i nam Voarhündr im April hett seile des Wündr gschea,
daß es wär pfäninggoanz i Sinze Buind dinn gwea,
alls ischt inanond zeamet gfalle -
und dumm glüeget händ mir alle. -
Gmuind hoat halt miaße a nuis ingeschtelle
Jetziges Altarbild
von Claudius Schraudolph,
1877
ma hoats recht migeleg gmacht - a Tiermle uffs Dach,
Buindsitte a Bulle ning gmüret, a dr Gasse zwoa Niescha gmacht.
A Professar hoat des Claudius Schraudolphbild renoviert
und a deam Oaltor modernisiert, des hebba gar it selle.
Dea guet Ma, gar it dumm, het als Luh des Urbild welle.
Im seale Herbscht am Kierbesunntag dernoa
hoats ingwiecht Josef Baur, isa Kaploa.
Etle Lit simbr zemetkumme, dia Museumsgrubbe,
Reese Josef - i kanen huit no seah schtoang -
viel zfrei händ dia zwie miaße vu dear Wealt goang.
Hoabba Ais odr Kretze ghett - isch ba ge Riecheba na
und hoat „Rochese” an Beaseme gopfret, deam guete Ma.
„Beschtioane” händ se z’ Koana hoachverehrt,
se seie ja blibe vu dear Pestelenz üngversehrt.
Dia zwie Heilige hobba i dia Niescha ninggmacht,
dr Schnipflar, isa üngvergeassena Wilhelm Math.
Zeche Joahr odr meah - kamma zelle,
im Kappele düeba a Kearze - oahne Schutz uffe Oaltor schtelle,
wär ba it dr zue kumme, wär alls zemed verbrunne.
Reacht wiaschte Dingr hobba erfahre miaße -
so mueß bas it bloas z’ Nacht, öu de Tag bschliaße. -
Künscht, Nostalgie - Kappla und Kiercha räubet se üs,
was ba it sichre ka müaßba verkoalte,
denn dia seale dint se wia d’ Schwede verhoalte.
Des Ürbild hoabba in Pfarhof gschaffet -
und d’ „Pestkapelle” hot öu de Summer an Winterschloaf gmachet.
Zmoal hoabba öu wiedr amoal noach er glueget. -
I 25 Joahr kimba a nuis Häs und an nuie Huet brüche.
Nui gschindlet, gmoalet, gwisglet - inna und ussa -
Pestkapelle nach der
Renovierung 1980
woare isch es wia nui, i Tier no a Guggarle ning -
ietz kinnt go namma cT Inwieching sing!
Reacht feierlich gmacht mit ar Maiandacht,
des Ürbild zum Mittlpünkt mit ra hoat Pfarar Rottach.
Es ischt oü grad gwea 300 Joahr ana 1982.
letz i dr nuigrichte Kiarche, hünd uffr Wiebrsitte.
Kascht allat hie - doanke und bitte. -
Is Kappele derfba oü voanazue ning,
Sunntag und Fiertag, am Herbscht und Friehling.
Was händ se druff ghoalte, uffm Jöuche, -
im Gschlief dia Büre und Hierte, hert und verbrämt,
a „Vattr unser” b’ Wendelinese händse it gschämt.
So wämbr doch i de Schtapfe vu de Oalte,
de Kinde it bloas Kappla - öu de Glöube verhoalte!
Wenn öu d’ Huimat verköuft ischt - total iberfremdet -
sowiet länd’s it kumme, wia Glasars Sybilla verheiße:
Dia letschte „Oberschtdoarfar” jech ba no d’ Albgasse aie.
S’ schwätze hoane deanweag gleanet,
„hochdeutsch” abr s’ schriebe. -
Sind reacht Fählar dinn, so dimbers verzieche.
Verwandte Themen
Heft 69 → A Klöüsedag – Nach einer Geschichte von Uwe Wolff, bearbeitet in Oberstdorfer MundartHeft 24 → Gschichtle us em Leabe
Heft 22 → Gschichtle us em Leabe
Heft 3 → ´s Regentebett
Heft 71 → „Klöüsezit”