Dr Prinzregent isch all Johr im Herbscht zur Jagd uf Oberschdoarf kumme. Wemba nammas gschosse khet hot, hota denn kinne noch dr Jagd Zigara a d' Triebar vrtaile. Binar settage Glegeahait haba nochat uin gfroget, obsem schmecke dei. Dea soll no gsait hong: „I ka allen Dreck reiche."
Seit uina vu diesam: „Dea muit öü, a sei dr Käs, derwilat schtinkta bloß reacht."
Kappelars Vikterle hot allat im halbe noündr schu d' Falle züedong. Wie ba se nocha gfroget hot, worum se des so frei dei, hab se gseit: „No hone die Arbat weg.”
Isakars Nazi hot dr Blitz vrschlage. Seit uina, wona des ghert hot: „Des git es doch garit, dean hone doch nächt no gsea.”
Spruch: „Ma het ja garnuits drgeg, wenn d’ Büebe allat mit de Fela schlofe went, abr die Kribbl schlofet ja it.”
Ein durch den Schnee mit Mehrarbeit Belasteter: „I het dean Schportdreck no lang it gmanglet.”
I ho an ölte Patiente khet, wo sinar Leabtag als Flolzar gschaffet und neäbezüe a bizzle gwildelet hot. So hobba denn öftr amol übr d' Jagd und was drmit zämed- hanget a bizzle an fJuigarte khet. So simbr öü amol uf Murmele kumme. Ea hot schu a ettle gschosse khet und i uis geasse. Wie br so ibr de Gschmack vu deam Flaisch schwätzed, seit sui (se isch namma vum Obrbayrische gwea): „Jo, oba a Fux is a nix Schlechts. Guat gmocht, kennst'n net von an Roßfleisch weg.”
Was d' Lit so bum Doktr saget:
Hot amol uina, wo an hoache Blüetdruck khet hot, gseit: „Jetz waiß i it, sobbas an hoache Blüetdruck odr liebr an blüetege Hoachdruck haiße.”
Italiener: „Wenn i Medisin kauf un besahl, kann i make mit Medisin, was i will.”
Otto: „Uf die Pilla kinnt e pfurze wie a olta Schtellwagehaitr.”
Monika (sechs Jahre): „Die Medizin kasch grad seal süfe.”
A bizzle a Uifeltege hot amol züebr gseit: „Wissed, Herr Doktr, ming Ma hot's doch allat aso im Kriz khet. Sit a all Johr uf Thailand fehrt, isch des viel bessr. Deam dind die Massascha det so güet.”
Verwandte Themen
Heft 37 → Schprih und HuigärteHeft 34 → Schprih und Huigärte
Heft 33 → Schprih und Huigärte
Heft 30 → Schprih und Huigärte
Heft 19 → Schprih und Huigärte